පසුගිය දවස්වල ලංකාව තුළ මහත් ආන්දෝලනයකට තුඩු දුන් එක් ප්‍රවෘත්තියක් වූයේ අරාබිකරයේ ගෘහ සේවයට ගිය අසරණ කාන්තාවකගේ සිරුරට ඇණ ගැසීමේ ප්‍රවෘත්තිය යි.

ඉහත පිංතූරයෙන් දැක්වෙන්නේ පසුගිය වසරේ ජූනි 1 දින ‛චින්තනයට’ අනුව මෙහෙය වූ මැර හමුදාවන්ගේ පැහැර ගැනීමට ලක්ව කඩා බිඳ දමන ලද මාගේ වම්පාදය බද්ධ කිරීමට කොළඹ මහරෝහලේ වෛද්‍යවරුන් ගසන ලද ඇණ සහ තහඩුයි. හදිසි අනතුරු ඒකකයේ වෛද්‍යවරුන්ට මෙළෙස ඇණ සහ තහඩු ගසා මාගේ පාදය බද්ධ කිරීමට සිදු වූයේ ’චින්තනයට’ ගැති නොවී රටේ ප්‍රජාතන්ත්‍රවාදය වළපල්ලට යැවීමට මූලික පිඔුරු පත් සකසන විට ඊට එරෙහිවීම හේතුවෙනි.

එදා අප කෑමොර දුන්, ලංකාවේ ප්‍රජාතන්ත්‍රවාදය වලපල්ලට යැවීමේ මිනීපෙට්ටියේ අවසන් ඇණය ගැසීම මේ මස 8 වනදාට සිදුවේ. ඊට අතඔසවන හෝ මොනයම් අයුරකින් රුකුල් දෙන සියලු දෙනා ලංකාවේ ප්‍රජාතන්ත්‍රවාදය වළපල්ලට යැවූ මිනී පෙට්ටියට ඇණ ගැසීමට හවුල් වුවන් වශයෙන්, සදාතනික ද්‍රොහීන් ලෙස ඉතිහාසයේ නොමැකෙන අයුරින් සටහන් වනු ඇත.

ඇසිය යුත්තේ…ද්‍රෝහින් තොප ද? අප ද?

පොද්දල ජයන්ත
ශ්‍රී ලංකා වෘත්තීය පත්‍රකලාවේදීන්ගේ සංගමයේ හිටපු මහලේකම්

‛ගම නගරය ආක්‍රමණය කරයි’ යන තේමාව යටතේ අද(2) ග්‍රාම සංවර්ධන අභ්‍යාස හා පර්යේෂණ ආයතනය විසින් සංවිධානය කර තිබූ සංවාදයක ප්‍රධාන කථීකයා වූ චිත්‍රපට අධ්‍යක්ෂක අශෝක හඳගම මහතාගෙන් ඒ පිළිබදව පොළීසිය ප්‍රශ්ණ කර තිබේ.

මෙම සංවාදයේ පුර්ව ප්‍රචාරක පෝස්ටරයක් කොළඹ නගරයේ අද අලවා තිබූ අතර එහි හඳගම මහතාගේ නම පමණක් සඳහන් වී ඇති නිසා පොළිසිය ඔහුගෙන් ප්‍රශ්ණ කළ බව අද[2] ග්‍රාම සංවර්ධන අභ්‍යාස හා පර්යේෂණ ආයතනයෙ පැවති එම සංවාදයේදී අශෝක හඳගම මහතා පවසා සිටියේ ය.

‛මට ග්‍රාමසංවර්ධන අභ්‍යාස හා පර්යේෂණ ආයතනය විසින් ආරාධනාවක් ලැබිලා තියනවා මට කතාවක් කරන්න. ඒක නිසා මම ඒකට යනවා ඔයාලටත් ඕන නම් ඇවිල්ලා අහගෙන ඉන්න’ යනුවෙන් පොළිසියට පැවසූ බව හඳගම මහතා වැඩිදුරටත් පවසා සිටියේ ය. කෙසේ වෙතත් පොළිසිය පවසා ඇත්තේ මේ දිනවල පෝස්ටර් ඇලවීම තහනම් නිසා මෙසේ ප්‍රශ්ණ කිරීමට පැමිණි බවත් ය.

කෙසේ වෙතත් මෙවැනි සංවාද, නාට්‍ය, චිත්‍රපට වැනි සංස්කෘතික කරුණු සම්බන්ධයෙන් ශ්‍රී ලංකා පොළීසිය තම බලය භාවිතා කරමින් විවිධ ලෙස ඒවා වාරණය කිරීමට පසුගිය කාලයේදී විවිධ උත්සහ ගන්නා ලදි.

එහි ආසන්නම සිද්ධිය වාර්තා වූයේ ප්‍රසන්න විතානගේ අධ්‍යක්ෂණය කළ ‛දෙබිඩ්ඩෝ’ නාට්‍ය වේදිකා ගත වන මොහොතක පොළිසිය පැමිණ ඔහුගෙන් ප්‍රශ්ණ කිරීමත් සහ එහි දුම්පානය කරන ලද ජවනිකාව ඉවත් කිරීමට බල කිරිමත් ය.

සටහන

පෝස්ටර් ඇලවීම නිසා පොලීසිය ප්‍රශ්ණ කරන්නේ නම් දිනකට කොළඹ නගරයේ අලවන ලද පෝස්ටර්වල හිමිකරුවන්ගෙන් පොළිසිය මෙසේ ප්‍රශ්ණ කිරීමකට ලක් කල යුතුය. එැවැනි සිදුවීමක් මෙතෙක් කිසිදු ස්ථානයක වාර්තා වී නැත. එබැවින් මෙය කලා පොලීසියේ තවත් එක් පොළිස් වැඩක්ය. කොළඹ ඇතුලු නගරවල ඇලවූ පොස්ටර් සඳහා මෙම වෙබ් අඩවිය බලන්න www.lankaposter.wordpress.com.

ෙම් එම ෙපා්ස්ටරය යි.

යුද්ධය සහ සාමය තේමාව යටතේ චිත්‍රකලා ප්‍රද්ර්ශනයක් මේ දිනවල කොළඹ ලයනල් වෙන්ඩ් සහ හැරල්ඩ් පීරිස් කලාගාරයේදී පැවැත්වේ. එම ප්‍රදර්ශනය සඳහා චිත්‍ර ශිල්පීන් රැසකගේ නිර්මාණ ඇතුළත්ය.

චන්ද්‍රගුප්ත තේනුවර, ජගත් වීරසිංහ, කිංස්ලි ගුණතිලක, අනෝමා විජේවර්ධන, ටී ශානතානන්, මුහාන්ඩ් කාදර්, ජී.ආර්. කොන්ස්ටන්ටයින්, කමලා වාසුකී, අනෝමා රාජකරුණා, සුජිත් රත්නායක, ටී.පී.ජී අමරජීව, ප්‍රසන්න රණබාහු, චාමික ජයවර්ධන, කුසල් ගුණසේකර, අනුර ක්‍රිෂාන්ත, බන්දු මනම්පේරි, වයිදේහි රාජසිංහම්, ඉනෝකා ද සිල්වා, සනත් කලුබද්දන, සජීවනී හේවාවිතාරණ, නිලූකා වීරසිංහ හා කිකෝ යන චිත්‍ර ශිල්පීන්ගේ චිත්‍ර රාශියක් මෙම ප්‍රදර්ශණයට ඇතුලත් වෙ.

ශ්‍රි ලංකාවේ යහපත් ප්‍රවාහන සංස්කෘතියක් බිහිකිරීම සඳහා තම දායකත්වය සැපයිමේ අරමුණින් පන්නම්පිටිය ත්‍රිරෝද රථ සංගමය තම සාමාජිකයන් සඳහා අචාරධර්ම පද්ධතියක් කෙටුම්පත් කර ඇත.

මාස 6කට ආසන්න කාලයක් තිස්සේ එම සංගමය, මෙයට මූලිකව දායකත්වය සපයන මාතලේ තරුණ සම්පත් සංවර්ධන සංසදය හා එක්ව, විවිධ සංවිධාන සහ වෘත්තිකයන්ගේ ද දායකත්වය ලබා ගනිමින් මෙම ආචාර ධර්ම පද්ධතිය කෙටුම්පත් කර ඇති අතර, එය රටේ විවිධ ප්‍රතිපත්ති සම්පාදකයන් සහ ප්‍රජා නායකයන් වෙත පිළිගන්වමින් පෞද්ගලිකව අදහස් ලබා ගැනීමට නියමිතය. එසේම මෙම ආචාරධර්ම පද්ධතිය අගෝස්තු මස අවසානයේ දි දඹුල්ලේ දී එළිදැක්විමට ද සියලු කටයුතු මේ වන විට සුදානම් කර තිබේ.

ලංකාවේ දැනට ත්‍රීවිල් රථ 450000 කට අධික සංඛ්‍යාවක් ජනතාවට ප්‍රවාහන පහසුකම් සලසන අතර, එම ත්‍රිරෝද රථ භාවිතය හා රියදුරන්ගේ ක්‍රියාකාරීත්වය පිළිබඳ සමාජයෙන් බොහෝ විට නොයෙකුත් විවේචන එල්ල වෙමින් තිබේ. ඊට විසඳුමක් වශයෙන් එම වෘත්තියේ නියැලි සිටින අයගේම මූලිකත්වය හා එකඟත්වය මත මෙවැනි ආචාර ධර්ම පද්ධතියක් සකස්කර ගැනීම මගින් ආදර්ශමත් ත්‍රිරෝද රථ සංස්කෘතියක් මේ රටේ ඇති කර ගැනීමට හැකි වනු ඇතැයි පන්නම්පිටිය ත්‍රිරෝද රථ සංගමයත්, මාතලේ තරුණ සම්පත් සංවර්ධන සංසදයත් ප්‍රකාශ කරයි.

එහි ආරම්භක පියවර වශයෙන් පන්නමිපිටිය ත්‍රීරෝද රථ සංගමයට මුල්වරට මෙම ආචාරධර්ම පද්ධතිය සකස් කිරීමෙන් පසු ඉදිරියේදී මෙය දිවයින පුරා ව්‍යාප්ත කිරීමටත්, එමඟින්, ශ්‍රී ලංකාවේ ප්‍රවාහන සංස්කෘතියේ විශාල ප්‍රවර්ධනයක් සිදු සිදුකිරීමට හැකිවනු ඇතැයි ඔවුහු බලාපොරොත්තු වෙති.

එසේම ත්‍රීරෝද රථ සේවය සඳහා මෙවැනි විධිමත් ආචාර ධර්ම පද්ධතියක් සැකසෙන්නේ ලොව ප්‍රථමවරට බව එම සංගමයේ ප්‍රකාශකයෙක් පැවසීය.

ෙකටුම්පත් කරන ලද එම අාචාරධර්ම පද්ධතිෙය් ෙතාරත=රැ සදහා – http://lanka3wheel.wordpress.com/2010/08/20/cord-of-ethics/

පහත දැක්ෙවන්ෙන් දඹුල්ෙල් දී පැවති අාචාරධර්ම සකසා ගැනීම පිළිබද වැඩමුලුෙව් ඡායාරෑප කිහිපයකි.

Pic by – YRDGLanka – Matale

බිබිල, රතුගල ආදිවාසීන් පාරම්පාරිකව වසර අසූවකට(80)අධික කාලයක් භාවිතා කරන ලද පොදු සුසාන භූමිය කෝටිපති ව්‍යාපාරිකයෙකුට සින්නක්කර ඔප්පුවකින් පවරා දී තිබේ. මෙම සුසාන භූමිය අහිමිකිරීමට එරෙහිව ආදිවාසීන් ඊයේ(16) විරෝධතාවයක නිරත විය.

රතුගල වැදි නායක දානිගල මහබණ්ඩාරලාගේ සුදා වන්නිලා ඇත්තෝ මෙම විරෝධතාවයට එක්වෙමින් කියා සිටියේ ‛‛1980 දී තම මී මුත්තා වන හඳුනා ඇත්තෝ ද මෙම සුසාන භූමියේ වල දැමූ බවත්, තම පියා වන රන්දුනු වන්නිලෑ ඇත්තෝ ද මෙහි වළදැමූ බවත් ය.’’ ඔහු තව දුරටත් පවසා සිටියේ ‛‛එදා වෙල්ලස්ස වසමේ රාජකාරි කළ ගම්මුලා දෑනියා සන්නසකින් මෙම සුසාන භූමිය සමග ඉඩම් අක්කර 200ක් අපට පවරා දුන් බවයි’’

දැන් මෙම ඉඩම් කොටස්කර විවිධ පුද්ගලයින්ට විකුණා ඇති බවත්, එසේ ඉඩම් මිළට ගත් විශ්‍රාමික බැංකු නිළධාරියෙකු මේ වන විට එහි සංචාරක හෝටලයක් ඉදි කිරීමට සැළසුම් කර ඇතැයි ඔහු පැවසී ය. 1985 දී මෙම ඉඩම් ගනුදෙනුව සිදුවී ඇති බවත් එවකට පැවති ආණ්ඩුව සමයේ මොණරාගල හිටපු දිසාපතිවරයෙකු මෙයට සම්බන්ධ බවද වැදි නායකයා හෙළි කළේය.

මේ විරෝධතා ව්‍යාපාරයට එක් වූ ආදිවාසීන් කියා සිටියේ ‛‛අපේ මී මුත්තන් වළ දැමූ මේ සොහොන් බිම තම වරිගයාට නිදහස් කර දෙන ලෙස බළධාරීන්ගෙන් ඉල්ලා සිටින බවයි.’’

සටහන – මීගොඩ හේමපාල

Pic by – www.bbc.com

මාධ්‍යවේදී ප්‍රගීත් ඒක්නැළිගොඩ මහතා අතුරුදහන් කර දින 200ක් පිරෙන මොහොතේ ජීවිතාරක්ෂාව පතා ලංකාවෙන් එපිට ජිවත්වන මංජුල වෙඩිවර්ධන නම් කවියා, ප්‍රගීත් ගැන කවි පෙළක් ලියා ඒව්වේය. එම කවි පෙල ඊයේ(10) පැවති ‛ප්‍රගීත් සොයන්න ඔබත් එන්න’ යනුවෙන් සංවිධානය කර තිබූ සම්මන්ත්‍රණයකදී ප්‍රගීත්ගේ බිරිද සන්ධ්‍යා එක්නැළිගොඩ මහත්මිය විසින් කියෙව්වේය.

මේ ඒ කවි පෙළයි..

කඳුළු බිඳුවක නොරැඳී
කොතැන ඉන්නෙද සැඟවී..
හැංගි මුත්තම ඉවර කළ මැන
දින දෙසීයම දිනෙකී
රජ කිරුළු යට සැඟවී
සිටියේ නම් සැනසුමෙකී
එහෙත් පන්හිඳ නිවට නැති බව
කියා දුන් හිමි සඳුනී..

ඔබේ ඇස් යට ගුලිවී
සිහිනයක් මම දකිමී..
මගේ සිහිනෙට වෙඩි තියන්නට
කාටවත් නම් නොහැකී…

”මට අද කතාව කරන්න පෙර කණගාටුවක් ඇති උනා, මොකද මේ සභාවේ එක්කෙනෙක් අඩුයි අපට උවමනා. ඒ එක්නැළිගොඩ සහෝදරයා නෙවෙයි. වෙනත් කෙනෙක්. 1980 ගණන්වල මෙවැනි අතුරුදහන් කිරීම්වලදී ඒවාට විරුද්ධව මේ වගේ පිරිසක් තමයි එදත් එකතු උනේ. ඒ රුස්වීම්වල අනිවාර්‍යයෙන්ම හිටි කෙනෙක්. ඉතින් එයා නැති අඩුපාඩුව පේනවා මේ සභාවේදී, එයත් හිටියනන් හොඳයි. මොකද දිගින් දිගටම පුද්ගලයින් අතුරුදහන් කිරීමට විරුද්ධව ඔහු එදා හඬ නැගුවා. එදා එයා හඬ නැගුවේ එක්නැළිගොඩ වැනි අයත් අතුරුදහන් කිරීම වැරදියි කියන ප්‍රතිපත්තියේ ඉඳලා. ඉතින් ඔහු මේ සභාවේ නැති එක ගැන තියන කණගාටුව නිසාම ඔහුට ආරාධනා කරන්ට වෙනවා ඉන්නවානම් කොහේ හරි, අවිල්ලා මේ සභාවේ අසුන් ගන්නයි කියලා, මහජන උද්ඝෝෂණය විසින් අතුරුදහන් කිරීමට පෙර. ඒ මහින්ද රාජපක්ෂ.’’ නීතිඥ එස්. ජී. පුංචිහේවා මහතා විසින් ප්‍රගීත් ඒක්නැළිගොඩ අතුරුදහන් කිරිමට විරැද්ධව පැවති සම්මන්ත්‍රණයේදී අද කොළඹ දී පැවසීය.

මාධ්‍යවේදී ප්‍රගීත් ඒක්නැළිගොඩ අතුරුදහන් කිරීමට විරුද්ධව, ඔහු සොයා ගැනීම සඳහා, ‛‛දින 200යි, තවම නැහැ’’ යන තේමාවන් මුල් කර ගිනිමින් අද(9) දහවල් කොළඹ විහාරමහාදේවි උද්‍යානය අසල සත්‍යග්‍රහයක් පැවැත්වීය. ඉන් අනතරුව පාගමනින් මහජන පුස්තකාලයට පැමිණි එම පිරිස එහිදී සම්මන්ත්‍රණයක් පැවැත්වූහ.

විශාල පිරිසක් එක්වූ එම සත්‍යග්‍රහය සහ සම්මන්ත්‍රණය සංවිධානය කර තිබුණේ මාධ්‍ය සංවිධාන එකමුතුවයි.

(මෙහි සම්පූර්ණ සටහන සහ වීඩියෝ පටය ඉතා ඉක්මනින් ‛විකල්ප’ තුළින් බලාපොරොත්තු වන්න)

“නින්ද” මිනිසුන්ගේ දින චර්යාවේ අත්‍යවශ්‍ය අංගයකි. විවිධ පුද්ගලයන්ගේ දින චර්යාවේ කාර්ය බහුලත්වය මත නිදාගන්නා පැය ගණන තීරණය වේ. වෛද්‍යවරන්ගේ මතය වන්නේ සාමන්‍ය මිනිසෙකු දිනකට පැය හයක් නිදියෑම හොඳටම ප්‍රමාණවත් බවයි.

නමුත් නිතරම නින්ද යෑම රෝග තත්ත්වයකි. එය බොහෝ රෝගවල මූලික රෝග ලක්‍ෂණයක් වේ. මිනිසුන් නිදාගන්නා ආකාරය පිළිබද සමාජ ව්‍යවාහරයේ දී වර්ග කීපයකට වෙන්කර දක්වයි. හොරට නිදියෑම, බාගෙට නිදියෑම, මැරණාවගේ නිදියෑම ආදී වශයෙන් ව්‍යවහාරයේදී බෙදා වෙන්කරයි. එය කිසිදු විද්‍යාත්මක හෝ අන්කිසි කාරණාවක සිට බෙදනු ලැබූ ඒවා නොව යම් යම් ව්‍යංගාර්ථ ඒ ඒ නින්ද සමඟ යෙදේ. සමහරු නින්ද නොයෑම නිසා නිදිපෙති ගෙන නිදති. සමහරුන්නම් අවදියෙන් සිටියත් නිදිවගේය. අවට සිදුවන දෑ සම්බන්ධව කිසිඳු තැකීමක් නැත. නින්ද ගියපසු මිනිසුන් විවිධ අය විවිධ දෑ කරති. සමහරෙක් නින්දෙන් ඇවිදිති. තවත් සමහරු කියවති. තවත් අය හඬති. සමහරෙක් දර පලනවා මෙන් ගොරවමින් නිදියති. ඔය අතරින් සමහරෙක් කිසිදු ශබ්දයක් නැතිව සැපට නිදියති. සැපට නින්ද යන්නත් පින් කරන්න ඔනේ බව ගමේ ගොඩේ අය කියති.

ඔය අතර නිදා සිටිනා නින්දෙන් අවදි කළ විට දක්වන ප්‍රතිචාර විවිධාකරය, විශ්මය දනවන සුඑය. අයෙක්ට නින්දෙන් අවදි කළ විට උරු ජුවල් යති. සමහරු ආයේ නිදති. තවත් අය ඇහැරී ඔහේ බලා හිදිති. කලාතුරකින් අයෙක් පමණක් “ඇයි” කියා අවදි කිරීමට හේතුව විමසති. එවැනි විටෙක නිදි සිටිනා, අය කෑගහන්නේ නැතිව ඉන්න කියා ඇහැරුණු අයට බනිති.

මේ ආකරයට නින්දේ බොහෝ ක්‍රමවේද සහ උපසංස්කෘතීන් ඇත. මිනිසුන් දවස පුරාම නිදාගන්නවාට ආසා කරන පිරිස්ද අප අතරම සිටිති. ඒ සොර සතුරන් වැනි අයවේ. මිනිසුන් හැකිතරම් නිදා ගන්නනේනම් ඔවුන් කැමතිය. එසේ නිදා ගත්තොත් ඇහැරෙන විට ඇඳ සිටි ඇඳුමත් නැති වනු ඇති බවටනම් කිසිම සැකයක් නැත.
“නින්ද” දේශපාලනික කාරණාවක් වනුයේ රටක ජනතාව නිද්‍රාශීලීව සිටිනවාට බොහෝවිට පාලකයන් කැමතිය. ඒ ඔවුන්ට රිසි සේ පාලනය ගෙනයාමට හැකි බැවිනි. අද වන විට මෙම නිද්‍රාශීලී බව ශ්‍රී ලංකේය සමාජය අරක්ගෙන ඇත. එම නිසාම නිදා සිටින ජාතියකට ජ්‍රජාත්‍රන්ත්‍රවාදය, මානව හිමිකම්, මාධ්‍ය නිදහස, තමන්ගේ මතයක් දැරීමේ නිදහස ආදිය අවශ්‍ය නැතැයි පාලක පන්තිය සිතනවා වෙන්නට බැරි නැත. ඒ නිසා ඔවුන් තමන්ට රිසි පාලන ක්‍රමයක්, ඔවුන්ගේ මාධ්‍ය සංස්කෘතියක්, ආදිය පවත්වාගෙන යන්නේ ඒ නිසා වන්නට පුළුවන.

සමාජයේ සියලු ස්ථර නිද්‍රාශීලී තත්ත්වයකට වැටුණුකළ ඇහැරී සිටන අයට සහ නින්ද නොයන අයට දෙයියන්ගේම පිහිටය. මේ මොහොතේ අවදියෙන් සිටිය හැක්කේ රාජපක්‍ෂ රෙජීමයේ අනුදැනුම මත, කැමැත්ත පරිදි තම නිදාගැනීම තීරණය කළ අයට පමණි.

මෙහි බරපතල කාරණාව වනුයේ සියලු සමාජ ස්ථර නිද්‍රාශීලී වීම හරහා සිවිල් යාන්ත්‍රණ බිඳවැටීමයි. මාධ්‍ය සංවිධාන, මානව හිමිකම් සංවිධාන, සිවිල් ක්‍රියාකරී සංවිධාන, මෙම පොදු ජන නින්ද හරහා පසුබැසීමට සිදුවී ඇති අතර එයට හේතුව එවන් සංවිධාන සහ එවායේ ක්‍රියාකාරීන්ගේ බලය රඳා පවතන්නේ පොදු ජනතාව මත බැවින්, පොදු ජනයා නින්දට වැටීම හරහා ඔවුන්ගේ ඒ සිවිල් බලය අහෝසි වී ඔවුන් අනාරක්‍ෂිත තත්ත්වයකට පත්ව වේ. පොදු ජනී ජනයා නොදන්නා කාරණාව, එම සිවිල් බලවේග අනාරක්‍ෂිත වීම හරහා එහි සෘජු බලපෑම තමන් වෙතට එල්ල වන බවය.

අද වන විට මේ පොදුජන නිද්‍රාශීලීත්වය කෙතරම්දයත් ඛේදනීය තත්ත්වයක් කියතෙත්, සිදුවන මානව විරෝධී කටයුතු, ප්‍රජාත්‍රන්ත්‍ර විරෝධී කටයුතු හමුවේ කිසිඳු මහජන මැදිහත් වීමක් නොමැති වීමයි. තමන් මානවයන් නොවේ යන හැඟීමෙන් මෙන් මිනිසුන් ඉවත බලා සිටිති. එය තමන්ගේ අතින්ම විලංගුලා යතුර අනුන්ට බාරදීමක් වැනිය.

ඔවුහු 2/3 ඉල්ලූහ. ජනතාව නිදිමතේම ගොස් 2/3 දුන්හ. පසුවිපරම්, පෙර සසදා බැලීම් කිසිත් නැත. ඔවුහු උතුරේ ප්‍රශ්ණය විසඳූ ඔවුන් බව කීහ. ජනතාව නිදිමර ගාතේ ගොස් රතිඤ්දා පත්තුකර කිරීබත් කෑහ. ඉන්පසු අනෙක් පැත්ත හැරී යළිත් නිදන්නට වූහ. පාලකයේ තමන් මේ නීතිය අලුතෙන් ගෙනාවායැයි කියති. ජනතාව තවත් ගුළිවෙවී නිදාගනී. පාලකයෝ නිදි අයටත් විලංගු දමනා නීති ගෙන එති. ජනතාව විලංගු දැමීමට පහසු වෙන්න නින්දෙන්ම අත් පය උස්සා දෙති. කාලයක් තිස්සේ ලාංකිකයා පෙළෙන මේ රෝග තත්ත්වය දැන් උග්‍ර අතට හැරී ඇත. ඒ නිසා සියල්ල හමුවේ නිහඬව උදාසීනව, නිදිබරව සිටිති. එහි උපරිම වාසිය තමන් වෙත නතු කරගනිමින් රාජපක්‍ෂ රෙජීමය දිනේන් දින බලවත් වෙති. ඔවුන්ගේ මේ බලවත් වීමට ප්‍රධානම හේතුව ජනතාවගේ නිදිබර උදාසීනත්වයයි.

දකුණේ ජනයාගේ නින්ද (නිදි ආතල්) කැඩීමට යාම හිරේ විලංගුවේ වැටී පමණක් නොව ජීවිතයෙන් වන්දි ගෙවීමට පවා සිදුවන කරණා වේ. මෑත සමාජයේම උදාහරණ ඕනෑ තරම් ඇත. ලසන්ත තීරය පිටුපස සිදුවන අකටයුතුකම් සමාජය ඉදිරියගෙන මිනිසුන්ගේ නින්ද කඩමින් මිනිසුන් සබුද්ධික තත්ත්වයට ගෙන ඒමට උත්සහ දැරීය. ජනතාව අවදිවුවහොත් තමන්ට සිදුවන දේ ගැන දන්නා ඇත්තෝ සඳහටම ලසන්ත නිහඬ කෙරූහ. ඉන්පසු ප්‍රගීත් එක්නැළිගොඩ මේ මිනිසුන්ගේ මර නින්ද කැඩීමට උත්සහ දැරීය. ඔහුගේ හඬට මිනිසුන් අවදි වියහැකි යැයි සිතු ඔවුහු ඔහුවද අතුරුදහන් කරනු ලැබීය. එසේ කිරීමෙන් පාලකයෝ ජනතාව මර නින්දේ දකින සුභ අනාගත සිහිනය සුරකීය. ජනයා මේ කිසිවක් නොදන්නාක් මෙන් තවත් නිදති. රාජපක්‍ෂ රෙජීමයද ජනතාවට අවදි වීමට ඉඩක් තබන්නේම නැත. එසේ අවදිවන එවුන් එක්කේ දේශදෝහීන් ලෙස නම් කරති. අවදි කිරීමට දරන උත්සාහයන් විදෙස් කුමන්ත්‍රණ ලෙස දකිති. ලෝකය එක් යායක් වී ගමනක් යද්දී සිංහබාහු හැරි ගල්දොර නැවත වසාගනිමින් හුදකලාව නිදති.

තවත් වරකදී සරත් ෆොන්සේකා මෙරට ප්‍රගතිශීලී බලවේග සමඟ එක්ව මේ මරනින්දට වතුර ගැසූහ. නිදා සිටින ජනතාවට වතුර ගැසීමේ වරදට සරත් ෆොන්සේකාට සිදුවූයේ සිරගත වීමටය. අද ක්‍රියාත්මක වන්නේ නඩුත් හාමුදුරවන්ගේ බඩුත් හමුදුරුවන්ගේ නම් වූ කැකිල්ලේ නීති පොතය.

රාජපක්‍ෂවරු දැන් රට කරවනු ලියවිල්ල තමන්ගේ නමින් ලියාගැනීමට ලහිලහියේ සූදානම් වෙති. රට කරවන්නේ කවුරුන්ද වෙනුවෙන් යන වගක් ඔවුන්ට මතක නැත. ඒ ඈයෝ නෑයෝ එකතු වී ගිනස් වාර්තාවක් තැබීමට සූදානම් වෙති. ඒ ලොව වැඩිම කළක් රටක් පාලනය කළ පවුල බවට පත් වීමයි. ජනතාවට මේවා වැඩක් නැත. ඔවුහු තවමත් ගල්තාර පොළව මත දාඩිය වඟුරවමින් සිහින දකිමින් නිදති. විටෙක උතුරු වසන්ත සිහිනය දකිති. තවත් වරෙක නැගෙනහිර නවෝදය සිහිනය දකිති. දැන් අලුත්ම හීනය ජල පිරවීමේ සිහිනයයි. සිහිනයෙන් සිහිනය මාරූ වී නිදති.

මෙවන් රටක් යන්නේ කෙතනකටද කියා සිතාගැනීමට අපහසුය. මෙම නින්දෙන් අවදි නොවන තාක් සැවොම ඔහේ හිදිනු ඇත. පාලකයෝ යහමින සිටිනු ඇත. ආයේ මැතිවරණයක් ආ පසු නිදිමරගාතේම ගොස් කතිරය ගසනු ඇත. මෙසේ නිදා ඉන්නාතුරම නිදහසනම් සිහිනයක්ම පමණකම වනු ඇත. තවදුරටත් නිදාගත හොත් මේ අඳුරු සෙවණැළිවලින් ගැලවීම ශ්‍රී ලංකේය සමාජයට පහසු නොවනු ඇත.

ක්‍රිශාන් රාජපක්‍ෂ