පසුගිය දවස්වල ලංකාව තුළ මහත් ආන්දෝලනයකට තුඩු දුන් එක් ප්‍රවෘත්තියක් වූයේ අරාබිකරයේ ගෘහ සේවයට ගිය අසරණ කාන්තාවකගේ සිරුරට ඇණ ගැසීමේ ප්‍රවෘත්තිය යි.

ඉහත පිංතූරයෙන් දැක්වෙන්නේ පසුගිය වසරේ ජූනි 1 දින ‛චින්තනයට’ අනුව මෙහෙය වූ මැර හමුදාවන්ගේ පැහැර ගැනීමට ලක්ව කඩා බිඳ දමන ලද මාගේ වම්පාදය බද්ධ කිරීමට කොළඹ මහරෝහලේ වෛද්‍යවරුන් ගසන ලද ඇණ සහ තහඩුයි. හදිසි අනතුරු ඒකකයේ වෛද්‍යවරුන්ට මෙළෙස ඇණ සහ තහඩු ගසා මාගේ පාදය බද්ධ කිරීමට සිදු වූයේ ’චින්තනයට’ ගැති නොවී රටේ ප්‍රජාතන්ත්‍රවාදය වළපල්ලට යැවීමට මූලික පිඔුරු පත් සකසන විට ඊට එරෙහිවීම හේතුවෙනි.

එදා අප කෑමොර දුන්, ලංකාවේ ප්‍රජාතන්ත්‍රවාදය වලපල්ලට යැවීමේ මිනීපෙට්ටියේ අවසන් ඇණය ගැසීම මේ මස 8 වනදාට සිදුවේ. ඊට අතඔසවන හෝ මොනයම් අයුරකින් රුකුල් දෙන සියලු දෙනා ලංකාවේ ප්‍රජාතන්ත්‍රවාදය වළපල්ලට යැවූ මිනී පෙට්ටියට ඇණ ගැසීමට හවුල් වුවන් වශයෙන්, සදාතනික ද්‍රොහීන් ලෙස ඉතිහාසයේ නොමැකෙන අයුරින් සටහන් වනු ඇත.

ඇසිය යුත්තේ…ද්‍රෝහින් තොප ද? අප ද?

පොද්දල ජයන්ත
ශ්‍රී ලංකා වෘත්තීය පත්‍රකලාවේදීන්ගේ සංගමයේ හිටපු මහලේකම්

යුද්ධය සහ සාමය තේමාව යටතේ චිත්‍රකලා ප්‍රද්ර්ශනයක් මේ දිනවල කොළඹ ලයනල් වෙන්ඩ් සහ හැරල්ඩ් පීරිස් කලාගාරයේදී පැවැත්වේ. එම ප්‍රදර්ශනය සඳහා චිත්‍ර ශිල්පීන් රැසකගේ නිර්මාණ ඇතුළත්ය.

චන්ද්‍රගුප්ත තේනුවර, ජගත් වීරසිංහ, කිංස්ලි ගුණතිලක, අනෝමා විජේවර්ධන, ටී ශානතානන්, මුහාන්ඩ් කාදර්, ජී.ආර්. කොන්ස්ටන්ටයින්, කමලා වාසුකී, අනෝමා රාජකරුණා, සුජිත් රත්නායක, ටී.පී.ජී අමරජීව, ප්‍රසන්න රණබාහු, චාමික ජයවර්ධන, කුසල් ගුණසේකර, අනුර ක්‍රිෂාන්ත, බන්දු මනම්පේරි, වයිදේහි රාජසිංහම්, ඉනෝකා ද සිල්වා, සනත් කලුබද්දන, සජීවනී හේවාවිතාරණ, නිලූකා වීරසිංහ හා කිකෝ යන චිත්‍ර ශිල්පීන්ගේ චිත්‍ර රාශියක් මෙම ප්‍රදර්ශණයට ඇතුලත් වෙ.

බිබිල, රතුගල ආදිවාසීන් පාරම්පාරිකව වසර අසූවකට(80)අධික කාලයක් භාවිතා කරන ලද පොදු සුසාන භූමිය කෝටිපති ව්‍යාපාරිකයෙකුට සින්නක්කර ඔප්පුවකින් පවරා දී තිබේ. මෙම සුසාන භූමිය අහිමිකිරීමට එරෙහිව ආදිවාසීන් ඊයේ(16) විරෝධතාවයක නිරත විය.

රතුගල වැදි නායක දානිගල මහබණ්ඩාරලාගේ සුදා වන්නිලා ඇත්තෝ මෙම විරෝධතාවයට එක්වෙමින් කියා සිටියේ ‛‛1980 දී තම මී මුත්තා වන හඳුනා ඇත්තෝ ද මෙම සුසාන භූමියේ වල දැමූ බවත්, තම පියා වන රන්දුනු වන්නිලෑ ඇත්තෝ ද මෙහි වළදැමූ බවත් ය.’’ ඔහු තව දුරටත් පවසා සිටියේ ‛‛එදා වෙල්ලස්ස වසමේ රාජකාරි කළ ගම්මුලා දෑනියා සන්නසකින් මෙම සුසාන භූමිය සමග ඉඩම් අක්කර 200ක් අපට පවරා දුන් බවයි’’

දැන් මෙම ඉඩම් කොටස්කර විවිධ පුද්ගලයින්ට විකුණා ඇති බවත්, එසේ ඉඩම් මිළට ගත් විශ්‍රාමික බැංකු නිළධාරියෙකු මේ වන විට එහි සංචාරක හෝටලයක් ඉදි කිරීමට සැළසුම් කර ඇතැයි ඔහු පැවසී ය. 1985 දී මෙම ඉඩම් ගනුදෙනුව සිදුවී ඇති බවත් එවකට පැවති ආණ්ඩුව සමයේ මොණරාගල හිටපු දිසාපතිවරයෙකු මෙයට සම්බන්ධ බවද වැදි නායකයා හෙළි කළේය.

මේ විරෝධතා ව්‍යාපාරයට එක් වූ ආදිවාසීන් කියා සිටියේ ‛‛අපේ මී මුත්තන් වළ දැමූ මේ සොහොන් බිම තම වරිගයාට නිදහස් කර දෙන ලෙස බළධාරීන්ගෙන් ඉල්ලා සිටින බවයි.’’

සටහන – මීගොඩ හේමපාල

Pic by – www.bbc.com

පසුගිය 12 වනදා ගාල්ල නගරයේ ප්‍රජාතන්ත්‍රවාදී ජාතික සන්ධානය පැවත් වූ උද්ඝෝණයෙදී ෙපාලීසිය උද්ෙඝා්ෂකයින්ට පහරදීමත්, එහිදී පා.ම.විජිත හේරත් ඇතුලු පිරිසක් අත්අඩංගුවට ගැනීමටත් එරෙහිව අද[14] සවස කොළඹ, ෙකාටුව දුම්රියෙෙපාල අසලදී උද්ඝෝෂණයක් පැවැත් විය. විශාල පිරිසක් සහභාගී වූ එම උද්ඝෝෂනය සංවිධානය කර තිබුණේ ජනතා විමුක්ති පෙරමුණයි.
මේ එම උද්ඝෝෂණයේ සටන්පාඨ කිහිපයක්,
බෑ බෑ බෑ – දෙන්නට බෑ
මැර බලයට – ඉඩදෙනු බෑ
ජන අයිතිය – මේ විදියට
වනසන්නට – දෙන්නට බෑ

පොලීසියට – දැන් කරනා
අතපෙවීම – නවත්තපන්
ඔලු පලනව – පොඩි කුක්කෝ
පිකට් කරන – නිදහස නෑ

මේ එම උද්ඝෝෂණයේ දර්ශණයි.

ජායාරූප – කැලුම් මධුරංග

ප්‍රජාතන්ත්‍රවාදි ජාතික සංධානයේ ගාල්ලේ පැවති උද්ඝෝෂණයට එල්ල කළ පොලීස් ප්‍රහාරය අදහස් ප්‍රකාශ කිරීමේ, රැස්වීම් සහ විරෝධතා පැවැත්වීමේ නිදහස හා කැමැති දේශපාලන මතයක් දැරීමේ අයිතිය බරපතල ලෙස උල්ලංඝණය කිරීමක් බවත්, ශ්‍රී ලංකාවේ ප්‍රජාතන්ත්‍රවාදයට හා අදහස් ප්‍රකාශ කිරීමේ නිදහසට යළි යළිත් බරපතල අනතුරු ඇඟවීම් කරන බව නිදහස් මාධ්‍ය ව්‍යාපාරය මාධ්‍ය නිවේදනයක් නිකුත් කරමින් කියා සිටියි. නිදහස් මාධ්‍ය ව්‍යාපාරයේ ලේකම් සීතා රංජනී විසින් අද(13) නිකුත් කර ඇති එම මාධ්‍ය නිවේදනයේ වැඩි දුරටත් දැක්වෙන්නේ, ‛‛අත්අඩංගුවේ සිටින ජෙනරාල් සරත් ෆොන්සේකා මහතා නිදහස් කරන ලෙස ඉල්ලා ජනතා විමුක්ති පෙරමුණ විසින් අගෝස්තු 12 වැනිදා ගාල්ල නගරයේදී පැවැත්වූ විරෝධතාවට එල්ල කළ පොලිස් ප්‍රහාරය සහ එම පෙරමුණේ පාර්ලිමේන්තු මන්ත්‍රීවරුන් දෙදෙනෙකු ඇතුළු පිරිසක් අත්අඩංගුවට ගැනීම හා ඔවුනට පොලීසිය තුළ දී පහර දීම නිදහස් මාධ්‍ය ව්‍යාපාරය විසින් තරයේ හෙළා දකී. ආණ්ඩුක්‍රම ව්‍යවස්ථාව මඟින් තහවුරු කර ඇති හා විශ්ව මානව හිමිකම් ප්‍රඥප්තිය මඟින් ආරක්‍ෂා කර ඇති, අදහස් ප්‍රකාශ කිරීමේ, රැස්වීම් සහ විරෝධතා පැවැත්වීමේ නිදහස හා කැමැති දේශපාලන මතයක් දැරීමේ අයිතිය බරපතල ලෙස උල්ලංඝණය කිරීමක් වන මෙම ක්‍රියාව මඟින්, ශ්‍රී ලංකාවේ ප්‍රජාතන්ත්‍රවාදයට හා අදහස් ප්‍රකාශ කිරීමේ නිදහසට යළි යළිත් බරපතල අනතුරු ඇඟවීම් කරන බව නිදහස් මාධ්‍ය ව්‍යාපාරයේ අදහසයි.

වාර්තා වන ආකාරයට සාමකාමීව පැවැත්වූ මෙම උද්ඝෝෂණයට එරෙහිව පොලීසිය කඳුළු ගෑස් ප්‍රහාරයක් එල්ල කර ඇත. පොලීසියේ මෙම ප්‍රජාතන්ත්‍ර විරෝධී ක්‍රියාවට එරෙහිව උද්ඝෝෂකයන් පොලීසිය දෙසට ගල් මුල් ප්‍රහාර එල්ල කර ඇති අතර එම අවස්ථාවේදී පොලීසිය විසින් කිහිප දෙනෙකු අත්අඩංගුවට ගෙන ඇත. මෙම සාමකාමී උද්ඝෝෂණය වැළැක්වීමට පොලීසිය ගත් මර්දනකාරී ක්‍රියාවට එරෙහිව හා තමන්ගේ පිරිස් අත්අඩංගුවට ගැනීම සම්බන්ධයෙන් පැමිණිලි කිරීමට ගාල්ල පොලිස් ස්ථානයට ගිය ජනතා විමුක්ති පෙරමුණේ පාර්ලිමේන්තු මන්ත්‍රීවරුන් වන විජිත හේරත් සහ අජිත් කුමාර යන මහත්වරුන් සහ පළාත් සභා මන්ත්‍රී නලින් හේවගේ මහතාට පොලීසිය තුළ දී පහර දී අත්අඩංගුවට ගෙන ඇත. පාර්ලිමේන්තු මන්ත්‍රීවරුන් වීම ද නොතැකූ, පොලීසියේ මෙම ප්‍රජාතන්ත්‍ර විරෝධී හැසිරීම මඟින් මේ රටේ සාමාන්‍ය පුරවැසියන්ගේ අදහස් ප්‍රකාශ කිරීමේ නිදහසට කර ඇත්තේ ඉතාමත් බරපතල අනතුරු ඇඟවීමකි. අනෙක් අතින් මෙය අසමාන ලෙස සැලකීමකි. මීට පෙර රජයේ ඇමැතිවරයකු කළ උපවාසයේදී රජයේ නිල ප්‍රකාශකයින් කියා සිටියේ, උද්ඝෝෂණ, උපවාස, විරෝධතා කිරීමට ඕනෑම කෙනෙකුට ප්‍රජාතන්ත්‍රවාදී අයිතියක් ඇති බවකි. එක්සත් ජාතීන්ගේ සංවිධානයේ ශ්‍රී ලංකා කාර්යාලයේ වැඩ කටයුතුවලට බාධා කරමින් කළ එම උපවාසයට සම්පූර්ණ පොලිස් ආරක්‍ෂාව සපයා දී තිබිණ. නමුත් ජනතා විමුක්ති පෙරමුණ සංවිධානය කළ උද්ඝෝෂණයේදී එම ප්‍රජාතන්ත්‍රවාදය අසමාන සැලකීමක් ලෙසට ලඝු වී ඇත. අදහස් ප්‍රකාශ කිරීමේ අයිතිය, සාමකාමී විරෝධතා දැක්වීමේ හා රැස්වීමේ අයිතිය මෙන්ම කැමැති දේශපාලන මතයක් දැරීමේ හා නියැලීමේ අයිතිය අනතුරට ලක් කරන මෙවැනි ප්‍රජාතන්ත්‍ර විරෝධී ක්‍රියා සම්බන්ධයෙන් නිහඬ වී සිටීමෙන් අනාගතයේ දරුණු ප්‍රති විපාකවලට මුහුණ දීමට සිදු විය හැකි බව මේ රටේ පුරවැසියන් වෙත නිදහස් මාධ්‍ය ව්‍යාපාරය අවධාරණය කර සිටී.’’

ඊයේ(12) ගාල්ලේ පැවති උද්ඝෝෂනයේදී අත්අඩංගුවට පත් ප්‍රජාතන්ත්‍රාදී ජාතික සංන්ධානයේ පාර්ලිමේන්තු මංත්‍රී විජිත හේරත් ඇතුලු පිරිස ලබන 16වනදා දක්වා බන්ධනාගාර ගතකිරීමට මහේස්ත්‍රාත්වරයා නියෝග කර ඇති බවට වාර්තාවේ.

ජෙනරාල් සරත් ෆොන්සේකා නිදහස් කරන ලෙසත්, ප්‍රජාතන්ත්‍රවාදය ඇති කරන ලෙසත් ඉල්ලා ප්‍රජාතන්ත්‍රවාදී ජාතික සංන්ධානය එම උද්ඝෝසණය සංවිධානය කර තිබූ අතර එහිදී පොලීසිය විසින් කඳුලු ගැස් ප්‍රහාරයන් එල්ල කිරීමේදී එය වාර්තා කිරිමට ගිය මාධ්‍යවේදින්ටද තුවාල සිදුවිය. එසේ තුවාල ලැබූ මාධ්‍යවේදියෙක් මේ වන විටද කරාපිටිය රෝහලේ ප්‍රතිකාර ලබමින් සිටින බව වැඩිදුරටත් වාර්තා වේ.

ජායාරූප – www.lankatrouth.com

මාධ්‍යවේදී ප්‍රගීත් ඒක්නැළිගොඩ මහතා අතුරුදහන් කර දින 200ක් පිරෙන මොහොතේ ජීවිතාරක්ෂාව පතා ලංකාවෙන් එපිට ජිවත්වන මංජුල වෙඩිවර්ධන නම් කවියා, ප්‍රගීත් ගැන කවි පෙළක් ලියා ඒව්වේය. එම කවි පෙල ඊයේ(10) පැවති ‛ප්‍රගීත් සොයන්න ඔබත් එන්න’ යනුවෙන් සංවිධානය කර තිබූ සම්මන්ත්‍රණයකදී ප්‍රගීත්ගේ බිරිද සන්ධ්‍යා එක්නැළිගොඩ මහත්මිය විසින් කියෙව්වේය.

මේ ඒ කවි පෙළයි..

කඳුළු බිඳුවක නොරැඳී
කොතැන ඉන්නෙද සැඟවී..
හැංගි මුත්තම ඉවර කළ මැන
දින දෙසීයම දිනෙකී
රජ කිරුළු යට සැඟවී
සිටියේ නම් සැනසුමෙකී
එහෙත් පන්හිඳ නිවට නැති බව
කියා දුන් හිමි සඳුනී..

ඔබේ ඇස් යට ගුලිවී
සිහිනයක් මම දකිමී..
මගේ සිහිනෙට වෙඩි තියන්නට
කාටවත් නම් නොහැකී…

”මට අද කතාව කරන්න පෙර කණගාටුවක් ඇති උනා, මොකද මේ සභාවේ එක්කෙනෙක් අඩුයි අපට උවමනා. ඒ එක්නැළිගොඩ සහෝදරයා නෙවෙයි. වෙනත් කෙනෙක්. 1980 ගණන්වල මෙවැනි අතුරුදහන් කිරීම්වලදී ඒවාට විරුද්ධව මේ වගේ පිරිසක් තමයි එදත් එකතු උනේ. ඒ රුස්වීම්වල අනිවාර්‍යයෙන්ම හිටි කෙනෙක්. ඉතින් එයා නැති අඩුපාඩුව පේනවා මේ සභාවේදී, එයත් හිටියනන් හොඳයි. මොකද දිගින් දිගටම පුද්ගලයින් අතුරුදහන් කිරීමට විරුද්ධව ඔහු එදා හඬ නැගුවා. එදා එයා හඬ නැගුවේ එක්නැළිගොඩ වැනි අයත් අතුරුදහන් කිරීම වැරදියි කියන ප්‍රතිපත්තියේ ඉඳලා. ඉතින් ඔහු මේ සභාවේ නැති එක ගැන තියන කණගාටුව නිසාම ඔහුට ආරාධනා කරන්ට වෙනවා ඉන්නවානම් කොහේ හරි, අවිල්ලා මේ සභාවේ අසුන් ගන්නයි කියලා, මහජන උද්ඝෝෂණය විසින් අතුරුදහන් කිරීමට පෙර. ඒ මහින්ද රාජපක්ෂ.’’ නීතිඥ එස්. ජී. පුංචිහේවා මහතා විසින් ප්‍රගීත් ඒක්නැළිගොඩ අතුරුදහන් කිරිමට විරැද්ධව පැවති සම්මන්ත්‍රණයේදී අද කොළඹ දී පැවසීය.

මාධ්‍යවේදී ප්‍රගීත් ඒක්නැළිගොඩ අතුරුදහන් කිරීමට විරුද්ධව, ඔහු සොයා ගැනීම සඳහා, ‛‛දින 200යි, තවම නැහැ’’ යන තේමාවන් මුල් කර ගිනිමින් අද(9) දහවල් කොළඹ විහාරමහාදේවි උද්‍යානය අසල සත්‍යග්‍රහයක් පැවැත්වීය. ඉන් අනතරුව පාගමනින් මහජන පුස්තකාලයට පැමිණි එම පිරිස එහිදී සම්මන්ත්‍රණයක් පැවැත්වූහ.

විශාල පිරිසක් එක්වූ එම සත්‍යග්‍රහය සහ සම්මන්ත්‍රණය සංවිධානය කර තිබුණේ මාධ්‍ය සංවිධාන එකමුතුවයි.

(මෙහි සම්පූර්ණ සටහන සහ වීඩියෝ පටය ඉතා ඉක්මනින් ‛විකල්ප’ තුළින් බලාපොරොත්තු වන්න)