ආත්මාර්ථය පැමිණ
කරවටම යටකර
හිස මුදුනටම පැමිණි කල
විප්ලවාදියෙකුට හැකි වේ නිහඬ වීමට
නිහඬ බවෙහි ගිලෙමින්
මළ මිණියක් ලෙස
තමා කළ දේ
හෘද සාක්ෂියකින් තොරව
විවරණයකට නොපැමිණ
නිහඬව මිය යා හැකිද
අවිචාරවත් බැතිමත්
යථාවාදී තථාකාරී නොවන
ළදරුවන්
පරණ තැටියකින්
යළි උපදවන්නට
ගුණ ගයන
වෙන වයන
අනුගාමික පූජා දෙස
හොරෙන් එබිකම් පාමින්
සතුටු වෙන
කාලකණ්නිකම තරම්
ආත්මාර්ථයක් විප්ලවවාදියෙකුට තිබිය හැකිද
මිනිසුන් සමාජය
අධම යැයි කියමින්
අත්පිස ගන්නට
විප්ලවවාදියෙකුට වලංගුද
රත්තරං පත්ඉරුවලට
නම් ලැබෙන්නට
හිසට කිරුලු මිණි
අහංකාරය පැළඳගන්නට
නිවැරදිම දේ
නිවරදිම මිනිසා කියා
නිහඬ වන්නට
විප්ලවවාදියෙකුට වලංගුද
ගස්නැති කැලෑවල
ගස්වේ එඬරුගස්
මිනිසුන් නොමැති බිම් පළසක
මිනිසෙක්ව කම්මලක තියා
කුළු ගෙඩියෙන් තලන
අලුත් ලේබලයකින්
බෞතිස්ම කරන
අරගල මර්ධන
වෙළෙඳපලට පටවන
පටවා ස්වං වින්දන මිලක් හොයන
මිය ගිය භාණ්ඩයට යළි පණ දෙන
හැටි බලා සතුටුවෙන
කය පණැති
ළය මිය ගියැති
නිහඬ බවින් ලාභ උපයන්න
විප්ලවවාදියෙකුට වලංගුද
ඒ සතුට තරමට
ආත්මාර්ථයක්
කාලකණ්නිකමක්
නිහඬව සතුටු වෙන විප්ලවවාදියෙකුට තිබිය හැකිද
කටු ගේක
මයින හමකින් තලන
අනුගාමික ස්වං වින්දකයන් දැක
පරණ රිද්මයෙන්ම
මිනිසාට කෙළවන්නට
ඉඩ දීම තරම් නපුරක්
දරාගෙන නිහඬව සතුටු වීමට
විප්වාදියෙකුට වලංගුද
මෙල්ස් මාකැස්චේ | Mels Macasche
