පිංවත් සංඝයා වහන්ස.. ප්‍රථමයෙන්ම දෙසරණය සමාදන් වන්න
නමෝතස්ස බගවතෝ අරහතෝ සම්මා සම්බුද්දස්ස ..
නමෝතස්ස බගවතෝ අරහතෝ සම්මා සම්බුද්දස්ස
නමෝතස්ස බගවතෝ අරහතෝ සම්මා සම්බුද්දස්ස
#
බුද්ධං සරණං ගච්ඡාමි
ධම්මං සරණං ගච්ඡාමි
|
දුතියම්පි බුද්ධං සරණං ගච්ඡාමී
දුතියම්පි ධම්මං සරණං ගච්ඡාමි
|
තථියම්පි බුද්ධං සරණං ගච්ඡිම්
තථියම්පි ධම්මං සරණං ගච්ඡාමි
|
පංසිල් පද පහ නොකියන්න
බුදු දහමේ එන කිසිදු වචනයක්
ගාථාවක් සූත්‍රයක්
හිතාමතා හෝ වැරදීමකින් හෝ
ඔබලාගේ කටින් පිට නොකරන්න
එය ඔබලා ද
ඔබලා මගෙහි යන
සත්වයින්ට අකැප බව මෙනෙහි කර ගන්න
|
එහෙම කොහෙද
එහෙම උනොත් අබ සරණයි
හරිද..
|
මේ පිංවතුන් සන්සුන්ව
මේ කියන ගථාව අප සමග කියන්න
|
සිව්පසයට මුවා වී
පංසිල් කඩාවී
කහවත කිළිටි වී
යන්න නිරයක් සොයාවී
|
අවිහිංසක දහම
අංගුලිමාල වී කොහොම
වසල පිරිතම කොහොම
කසල වූයේ කොහොම
|
අය්යට මුවා වී
මල්ලී චණ්ඩියා වී
දෙන්නට මුවා වී
නැණ සර රජා වී
|
කෝවිල් කඩා වී
පල්ලි ද කඩාවී
මිනිසුන් මරාවී
මිනිසුන් සතුන් වේවී
|
සියලු සත්වයෝ නිදුක් වේවා
නිරෝගි වේවා
සුවපත් වේවා
|
ඒවා කොහෙද අපිත් එක්ක
මුස්ලිම් දෙමළ හැර
|
ඇයි මොකද
අපි පංසිල් රකින්නෑ කියලද කියන්නේ
යකෝ උඹලට හොඳ ජාතකයක් නැද්ද
මේක අපේ රට
අපේ ආගම
|
මේ පිංවතුන් සන්සුන්ව
මේ පෙති ටික පානය කිරීමෙන් ඔබට ඉක්මන් සුවය පතන්නෙමු
සිවුරු ගලවා
මූලස්ථානවලට භාර දෙන්න
ඔබලාට හෙලුවම මිස
අන් කිසිවක් නුසුදුසුය
උදය ආර්. තෙන්නකෝන් | Udaya R. Tennakoon
