සරත් සමය එළඹෙයි
රතී කෙළි අලුත්වෙයි
මේ ආදරවන්තයන් එක්වන සමයයි
එක් සෙනෙහෙබර ස්පර්ශයෙන්
තරුණියන්ගේ පියයුරු
කිති කැවෙයි
සරත් සමයේ නවතම ආලෝකයන් සමඟ
පිටිසර පෙදෙස පෙම්වතුන්ට තෝතැන්නක් වේ
ඉතා ඉහළ ආකාසේ
හදිසියේ සියොතුන් රංචු ගැසී
සෘතුවේ සලකුණු ගෙන එයි
උණුසුම් වා තලය, දිවාකල දික්වී
තණබිම් වල එළිය විසිරෙයි
තණ නිල්ල තුරුලතා
අසීමිතව වැසි වැසී යයි
සරත් සමයේ
අපමණ පලවැලින් පිරී
වනාන්තර, ගොවිබිම් හා මිටියාවත්
සරත් සෘතුවේ නැවුම් පස
ප්‍රාණය දෙයි අසීමිත නිදහසකට…..
බර්ටොල් බ්‍රෙෂ්ට්
පරිවර්තනය – ලක්ෂ්මන් ජයසේකර
