‘ශ්‍රී ලංකාවට‘ තේ වගාව හදුන්වා දී මේ වසරේ, එනම් 2017 අගෝස්තුවට වසර 150ක් සපිරෙනු ඇති. 1867 දී ජේම්ස් ටේලර් විසින් 1867 දී මහනුවර ‘ලූල්කදුර‘ වතුයායේ තේ වගාව ආරම්භ කිරීම ත් සමග ලංකාවේ තේ කර්මාන්තයේ උපත සිදු විය.
ලූල්කඳුර හි මුල් තේ වගාව අක්කර 19 ක් විය. 1872 දී ටේලර් ‘ලූල්කඳුර‘ වතුයායේ සම්පූර්ණයෙන්ම සකසන ලද තේ කර්මාන්ත ශාලාවක් පවත්වාගෙන ගිය අතර, එම අවුරුද්දේ ‘ලූල්කඳුර තේ‘(Loolecondra Tea) විකිණීම ප්‍රථමවරට මහනුවරදී සිදු කරන ලදී. ඉන්පසු 1873 දී ලංකා තේ කිලෝග්‍රෑම් 10ක් ලන්ඩන් වෙත යවනු ලැබීය. එය ලංකාවෙන් විදේශයකට යවනු ලැබූ පළමු ‘ලංකා තේ‘ (Ceylon Tea) තොගය ලෙස ඉතිහාසයේ සළකුනු විය.
පසුව ආතර් කොනන් ඩොයිල් නම් බ්‍රිතාන්‍ය ජාතික ඉහළපරිපාලන නිළධාරියා තේ තේ වගාව ස්ථාපිත කිරීම පිළිබඳ අදහස් දක්වමින් මෙසේ පැවසූ බව වාර්තාවල සදහන් වෙයි. “…the tea fields of Ceylon are as true a monument to courage as is the lion at Waterloo”.
ඒ සියල්ල සිදුවුනේ මහනුවර ආශ්‍රිතව වසර 150කට පෙරය.
2017 මුල් කාර්තුවේදී පමණක් මහනුවර සහ මාතලේ දිස්ත්‍රික්කවල තේ කිලෝග්‍රෑම් 8103796ක් නිශ්පාදනය කර ඇති බව මෙම වාර්තාව පෙන්වා දෙයි. එසේම සමස්ථ ලංකාවේ නිශ්පාදනය 66556328ක් බව එම වාර්තාව වැඩිදුරටත් පවසයි.(All Report here)
නමුත් එපමණ නිශ්පාදනයක් වර්තමානයේද සිදුකරමින්, තේ වගාවට සිය ලේ, දහඩිය, කදුලින් දායකත්වය දැක්වන වතු දෙමළ(මලෛග තමිල්) මිනිසුන්, ගැහැණුන් ගේ ජීවිතය යහපත් වෙලාද? දියුණු වෙලාද?
නැත!
තවමත් ඔවුන්ට නිවසක් නැත. සේවයට සරිලන වැටුපක් නැත. පෝෂ්‍යදායී ආහාර වේලක් සදහා පහසුකම් නැත. ඉක්මනින් ළගා විය හැකි රෝහල් නැත. අධ්‍යාපනයට අවශ්‍ය පහසුකම් අනෙක් ප්‍රදේශවලට සාපේක්ෂව නැත.
එපමණක් නොවේ ලංකාවේ අනෙක් මිනිසුන්ට සාපේක්ෂව බහුතරයක් මිනිසුන්ට ලිපිනයක් ද නැත. අනෙක් මිනිසුන් ලබන බොහෝ අයිතිවාසිකම් ඔවුන්ට ලැබෙන්නේ නැත.
ඇත්තටම ඔවුන්ට ‘ජීවිතයක්‘ ‘ගෞරවයක්‘ හිමිකර දීමට මේ වසර 150 තුළ කිසිදු පාලනයක් හෝ කිසිදු වතුසමාගමක් සාධනීය අයුරින් මැදිහිත් වී නැත.
මේ එයට තවත් එක් උදාහරණයක් පමණි.
(Part 01)
(Part 02)
(Part 03)
Full Story Video and Images with Spark
සබැදි සටහන්
#GlobalCeylonTeaParty | හැම ‘තේ’ කෝප්පයකම යට ‘කඳුළු කතාවක්’ තියනවා
#GlobalCeylonTeaParty | ‘තේ’ දල්ලේ නොදකින කඳුළු [Video]
